Almatydaǵy «Altyn-Orda» bazary mańynda dámhana órtendi
ALMATY. QazAqparat – Almatyda «Altyn Orda» bazary mańynda ornalasqan dámhanadan órt shyqty, dep habarlaıdy QazAqparat tilshisi.
Onyń vıdeosy áleýmettik jelide tarady.
Almaty oblystyq Tótenshe jaǵdaılar departamentiniń málimetinshe, Altyn Orda» aýmaǵynda ornalasqan «Jeti Qurdas» bazaryndaǵy úsh ǵımarattyń – samsa daıyndaıtyn dúńgirshek, lombard jáne eki qabatty dámhananyń shatyry otqa orandy.
«Qyzyl jalyn saǵat 14:14-te tolyǵymen sóndirildi. Aldyn ala boljam boıynsha, tilsiz jaý 200 sharshy metr jerdi sharpyǵan. Órttiń shyǵý sebebi anyqtalyp jatyr», - delingen Almaty oblystyq Tótenshe jaǵdaılar departamentiniń baspasóz qyzmeti taratqan aqparatta.
Jalynmen kúreske Almaty oblysynyń 27 órt sóndirýshisi jáne 7 tehnıkasy jumyldyryldy.
