Almatydaǵy «Altyn dıirmen korporatsııasynyń» kombıkorm men un saqtaıtyn qoıma ǵımarattarynda iri órt boldy
ASTANA. Qazannyń 4-i. QazAqparat - Ótken senbi kúni tańsáride Almaty qalasyndaǵy «Altyn dıirmen korporatsııasy» JAQ-tyń kombıkorm men un saqtaıtyn qoıma ǵımarattarynda iri órt boldy.
Qazaqstannyń Tótenshe jaǵdaılar mınıstrliginen habarlaǵandaı, órt atalmysh mekemeniń Túrksib aýdany, Súıinbaı kóshesinde ornalasqan qoımalarynda qazannyń 2-si kúni saǵat 04.44-te shyqqan.
Tilsiz jaý eki saǵattan keıin toqtatylyp, alty saǵattan keıin tolyq aýyzdyqtaldy. Ony joıýǵa Almaty qalasy boıynsha TJD órtke qarsy qyzmetiniń 39 adamy men 5 tehnıkasy jumyldyryldy.
Jalyn qoımalardyń 1500 sharshy metr aýmaǵyn joıdy. Qurbandar men zardap shekkender joq.
