Almatydaǵy Almaly jáne Bostandyq aýdanyndaǵy halyqqa qyzmet kórsetý ortalyqtarynda elektrondyq sandyq qoltańba qoljetimdi boldy

ALMATY. 1 maýsym. QazAqparat - Almaty qalasynyń turǵyndary jeke kýálikterine elektrondyq sandyq qoltańbalaryn  (ESQ) jaza alady. Bul qyzmet Almaly jáne Bostandyq aýdandarynyń halyqqa qyzmet kórsetý ortalyqtarynda qoljetimdi.

Servıs jeke kýáliktiń chıpine elektrondyq sandyq qoltańbany jazý jónindegi ilki jobanyń aıasynda engizildi. Buryn mundaı qyzmet sáýir aıynda Astana qalasynyń Almaty aýdanynyń Mırzoıan kóshesi boıynsha halyqqa qyzmet kórsetý ortalyǵynda iske qosylǵan edi. Endi 1shildeden  bastap osy qyzmet Almaty jáne Astanadaǵy barlyq halyqqa qyzmet kórsetý ortalyqtarynda qoljetimdi bolady. Al  odan  keıin bul úrdisti eldiń ózge de  halyqqa qyzmet kórsetý ortalyqtarynda da jalǵastyrý josparlanýda.