Almatydaǵy áleýmettik máseleni sheshý úshin 2023 jylǵa deıingi jospar ázirlenedi

ALMATY. QazAqparat – Almatyda HІІ Azamattyq forýmynyń paneldik sessııasynda ákimshilik pen azamattyq qoǵam arasyndaǵy dıalog alańyn damytý máseleleri talqylandy. Qala ákimniń orynbasary Erjan Babaqumarov úsh paneldik sessııanyń jumysyna qatysty, dep habarlaıdy QazAqparat tilishisi.

Sessııanyń moderatorlary retinde azamatyq belsendiler - Aıda Áljanova men Irına Vıgovskaıa qatysty. Talqylaý barysynda Erjan Babaqumarov áleýmettik máselelerdi anyqtaý men sheshýdegi, sondaı-aq qoǵamdyq baqylaýdy júrgizýdegi azamattyq qoǵamnyń mańyzdy rólin atap ótti.

Strategııalyq sessııanyń maqsaty - qoǵam ókilderi usynystary negizinde áleýmettik saladaǵy problemalardy sheshýdiń 2023 jylǵa deıingi josparyn ázirleý.

«Azamattyq forým alańyndaǵy pikirtalastar atqarylǵan isterdi taldaýǵa jáne keleshegimizdi anyqtaýǵa kómektesedi. Strategııalyq sessııa fasılıtatsııa formatynda ótkizilip jatqanyn jeke atap ótkim keledi. Mundaı format bizge áleýmettik-ekonomıkalyq damýdyń mańyzdy taqyryptarynda ashyq sóılesýge, qoǵamdy, jalpy qala turǵyndaryn tolǵandyratyn máselelerdi talqylaýǵa kómektesedi dep senemin», - dep atap ótti Erjan Babaqumarov.

Óz kezeginde, azamattyq belsendiler, úkimettik emes uıym ókilderi qalalyq qana emes, respýblıkalyq deńgeıdegi jańa mindetterge baılanysty máselelerdi sheshýge qatysty usynystaryn aıtty.

Forým barysynda ekologııa, densaýlyq saqtaý, bilim berý, áleýmettik qorǵaý jáne tsıfrlandyrý salalary boıynsha qala aldynda turǵan mindetterdi sheshý maqsatynda jergilikti atqarý organdary men azamattyq qoǵam arasyndaǵy ózara árekettestiktiń mańyzdy máseleleri kóterildi. Erjan Babaqumarov úkimettik emes uıym men Almaty ákimdigi yntymaqtastyǵynyń negizgi baǵyttary boıynsha azamattyq forýmnyń strategııalyq sessııasyn ótkizdi.