Almatydaǵy Alataý aýdanyna 4 jylda 70 mıllıard teńge jumsaldy - A. Esimov
ALMATY. 25 maýsym. QazAqparat -Almatyda 2 shilde kúni Alataý aýdanynyń qurylǵanya 4 jyl bolady. Ony qala ákimi Ahmetjan Esimov búgin buqaralyq aqparat quraldary ókilderimen kezdesken kezde aıtty.
«Alataý aýdanyna 70 mıllıard teńge qarjy jumsaldy. Birde-bir oblys ortalyǵynda mundaı qarjy jumsalǵan joq. Eger jańylmasam, Alataý aýdanynda 4 jylda 18 shaqyrymdyq sý qubyry, 118 shaqyrymdyq gaz qubyry júrgizilip, 250 shaqyrymdyq 160 kóshe asfalttaldy. Sondaı-aq 1600 úı salyndy», - deıdi A. Esimov. Qala ákiminiń aıtýynsha, aǵymdaǵy jyly onda 5 mektep paıdalanýǵa berilmek. Qazirgi tańda onda mektep, aýrýhana, emhana, balabaqsha sııaqty áleýmettik nysandar men halyqqa qyzmet kórsetý ortalyǵy jáne barlyq jergilikti atqarý organdarynyń ǵımarattary bar. Máselen, jeltoqsan aıynda paıdalanýǵa berilgen aýdandyq ishki ister departamentiniń kúlli Qazaqstanda balamasy joq. Buǵan deıin eń úlken aýdandyq ishki ister deparamenti Aqtóbe oblysynda bolatyn. Onyń kólemi 150 sharshy metr bolsa, Almatydaǵy ǵımarat 800 sharshy metr aýmaqty alyp jatyr. 5 qabatty bul nysanda turǵyndar men ondaǵy qyzmetkerlerge barlyq qolaıldy jaǵdaı jasalǵan.
