Almatydaǵy alapat órt: Dárigerler zardap shekkenderdiń jaǵdaıy týraly aıtty
ALMATY. QazAqparat - Búgin Almaty qalasy qoǵamdyq densaýlyq saqtaý basqarmasy basshysynyń mindetin ýaqytsha atqarýshy Nazgúl Imanǵalıeva órtten zardap shekkender jatqan aýrýhanalarǵa bardy, dep habarlaıdy QazAqparat tilshisi.
Dárigerdiń sózinshe, órt saldarynan barlyǵy 49 adam zardap shekti, onyń ishinde eki eresek adam №7 qalalyq klınıkalyq aýrýhanada jatyr.15 balanyń 9-y balalarǵa jedel jáne shuǵyl kómek kórsetý ortalyǵynda, 6 bala №2 balalar klınıkalyq aýrýhanasynda statsıonarlyq em alýda. Qalǵandary barlyq qajetti medıtsınalyq kómek kórsetilgennen keıin aýrýhanaǵa jatýdan bas tartty.
«Eki eresek adam reanımatsııada: 35 jastaǵy áıel - Katatravma. Qatysty jaraqat. Kóptegen synyq. Eki ókpeniń soǵylýy. Janý ónimderimen ýlaný. 2-dárejeli travmatıkalyq shok dıagnozymen, al 19 jastaǵy qyz aýyr bas-mı jaraqaty, kóptegen synyq dıagnozymen jatyr», - dep habarlady densaýlyq saqtaý basqarmasynan.
1992 jylǵy áıel kóptegen jaraqat saldarynan qaıtys boldy.
Jaǵdaıy aýyr áıel dereý №7 qalalyq klınıkalyq aýrýhananyń jansaqtaý bólimine jetkizilgen bolatyn.
Jedel járdem brıgadasynyń málimetinshe, ol órt kezinde 5-6-qabattan sekirgen.
«Oǵan qoıylǵan dıagnoz: Katajaraqat. Qatarlas aýyr jaraqat. Kóptegen synyq. Tútinge ýlaný. 2-3 dárejeli travmatıkalyq shok. Ólim ómirmen úılespeıtin jaraqattardan bolǵan» - dep atap ótti vedomstvodan.
1 bala jansaqtaý bóliminde jatyr. Jaǵdaıy turaqty. Qalǵan aýrýhanaǵa jatqyzylǵan naýqastardyń jaǵdaıy bir qalypty.
Aýrýhanalardyń qabyldaý bóliminde qajetti mamandardy tarta otyryp, barlyq naýqasqa qajetti kómek kórsetildi, kórsetilgen kómekten keıin 17 eresek jáne 14 bala turǵylyqty jeri boıynsha emhanaǵa odan ári ambýlatorlyq emdeýge jiberildi.
