Almatydaǵy ál-Farabı eskertkishine gúl shoqtary qoıyldy

ALMATY. QazAqparat – Merekelik jıynǵa qatysýshylar Qazaq ulttyq ýnıversıtetiniń bas alańyndaǵy ál-Farabı eskertkishine gúl shoqtaryn qoıdy, dep habarlaıdy QazAqparat tilshisi.

Saltanatty sharaǵa QR Memlekettik hatshysy Qyrymbek Kósherbaev, QR Bilim jáne ǵylym mınıstri Ashat Aımaǵambetov, mádenıet jáne sport mınıstri Aqtoty Raıymqulova, Almaty ákimi Baqytjan Saǵyntaev, BUU jáne ıÝNESKO, IYU, Qazaqstandaǵy dıplomatııalyq mıssııalardyń ókilderi, memleket jáne qoǵam qaıratkerleri, JOO rektorlary, ǵylymı ortalyqtar men ǴZI jetekshileri men farabıtanýshylar qatysty.

Buǵan deıin joǵaryda atalǵan qonaqtar ál-Farabı kitaphana-ortalyǵyn ashqan bolatyn. Tusaýkeser barysynda qonaqtar uly oıshylǵa arnalǵan murajaı ekspozıtsııalarymen tanysyp, onyń shyǵarmalary qoıylǵan kórmeni, Qazaqstannyń Tuńǵysh Prezıdenti, Abaı men Alash qozǵalysynyń qaıratkerlerine, sırek kezdesetin jáne qundy kitaptar qoryna arnalǵan tsıfrlyq zaldy aralap kórdi.