Almatydaǵy ál-Farabı dańǵylynyń taǵy birneshe ýchaskesinde qozǵalys shekteledi

ALMATY. QazAqparat – Almatydaǵy ál-Farabı dańǵylynyń ońtústik jaǵyndaǵy jóndeý jumystary aıaqtalýǵa jaqyn, aınalma joldar jóndelip jatyr, dep habarlaıdy QazAqparat qala ákimdiginiń baspasóz qyzmetine silteme jasap.

Jol jóndeý jumystary kestege sáıkes júrgizilip keledi ári oqý jyly bastalǵanǵa deıin aıaqtalady. Qazirgi ýaqytta Toraıǵyrov kóshesinen Dostyq dańǵylyna deıingi joldyń ońtústik jaǵynda jóndeý jumystary aıaqtaldy, kólik qozǵalysy ashyq.

Kelesi kezeń – ál-Farabı men Nazarbaev dańǵyldarynyń qıylysyndaǵy aınalma joldardy jóndeý. Jol qozǵalysy qaýipsizdigin qamtamasyz etý jáne ótkizý qabiletin arttyrý úshin 19 shildede saǵat 23:00-den 21 shilde saǵat 07:00-ge deıin ál-Farabı dańǵylynyń Nazarbaev dańǵylymen qıylysyndaǵy aınalma joldarǵa polımerli asfaltbeton jabynyn tóseý jumystaryna baılanysty batys baǵytta (Meńdiqulov býlvarynan Nazarbaev dańǵylyna baratyn jolda), Nazarbaev dańǵylynan ál-Farabı dańǵylyna shyǵys baǵytta burylatyn jolda, Nazarbaev dańǵylynan solǵa ál-Farabı dańǵylyna burylatyn jolda (batys baǵytta) jáne ál-Farabı dańǵylynan soltústik baǵytta Batys Jeltoqsan kóshesine burylatyn jolda kólik qozǵalysy tolyq shekteledi.

Jabylǵan aýmaqtardy Meńdiqulov býlvary, Sátbaev, Batys Jeltoqsan, Joldasbekov kóshelerimen jáne Seıfýllın dańǵylymen aınalyp ótýge bolady.

Nazarbaev dańǵylymen jáne ál-Farabıden Nazarbaev dańǵylyna shyǵys baǵytta burylatyn joldarda kólik qozǵalysy ashyq bolady.

Patrýldik polıtsııanyń 4 ekıpajy qozǵalys qatysýshylarynyń qaýipsizdigin qamtamasyz etedi.

Eske salsaq, almatylyqtar joldyń jabylýy týraly telegram arqyly bile alady.

Buǵan qosa, Almaty ákimdigi 2GIS servısi arqyly qala turǵyndaryn jol jóndeý jumystary jaıly qulaqtandyrýǵa qol jetkizdi.