Almatydaǵy ál-Farabı dańǵylynyń keıbir bólikteri jabylatyn boldy
ALMATY. QazAqparat – 23 aqpan kúni Ál-Farabı dańǵylynda Qysqy júgirý sharasy ótedi. Osyǵan baılanysty saǵat 8.00-den 11.30-ǵa deıin keıbir joldarda avtokólik túrleriniń qozǵalysyna shekteý qoıylady, dep habarlaıdy QazAqparat tilshisi.
Nazarbaev dańǵylynan Batys jeltoqsan kóshesine deıin batys baǵytta Ál-Farabı dańǵylymen ótetin qozǵalys 6.00-den 8.00-ge deıin jabylady. 8.00-ge deıin Dostyq dańǵylynan Nazarbaev dańǵylynyń astymen ótetin jerasty jolymen júrýge bolady.
8.00-den 11.30-ǵa deıin Ál-Farabı dańǵylynan batys baǵyttaǵy qozǵalys (tómengi bólik) Nazarbaev dańǵylynan Gagarın kóshesine deıin tolyǵymen jabylady. Avtokólik túrleriniń qozǵalysy úshin Ál-Farabı dańǵylynyń ońtústik bóligi ashyq bolady.
Adamdar kóshelerden júgirip ótkennen keıin olar retimen ashyla beredi.
«Nurly Taý» bıznes ortalyǵy mańyndaǵy máre-sóre qalashyǵyna qalashyǵyna Qozybaev kóshesi nemese Batys Jeltoqsan kóshesi arqyly kirýge bolady. Sonymen qatar Ál-Farabı dańǵylymen shyǵys baǵytta júretin avtobýstarmen kelý múmkindigi bar.
«Qala turǵyndary men qonaqtaryn túsinistikpen qarap, 23 aqpan kúni ál-Farabı dańǵylymen júretin jolyn josparlap alýǵa shaqyramyz», - deıdi uıymdastyrýshylar.
Elaman Turysbekov
