Almatydaǵy ál-Farabı dańǵylynyń boıyna aǵash otyrǵyzyla bastady

ALMATY. QazAqparat - Almatyda «Jasyl meken» qalalyq aktsııasy barysynda ál-Farabı dańǵylynyń bólý jolaǵynyń boıyna Jeltoqsan kóshesinen Qojanov kóshesine deıin japyraqty jáne qylqan japyraqty aǵashtar otyrǵyzyla bastaldy, dep habarlaıdy QazAqparat tilshisi.

1975 jyldyń sáýirinde Vodozabornyı kóshesi Ál-Farabı dańǵylyna aınalǵan sátten bastap munda 30-ǵa jýyq aǵash túrleri otyrǵyzylǵan. Alaıda, olardyń ishinde talshyn, qaraǵaı men shyrsha ǵana tamyr jaıdy. Sondyqtan alleıa jasaý úshin aǵashtyń osy túrleri ǵana tańdap alyndy.

Jalpy, dańǵyl jıegine jergilikti tálimbaqta ósirilgen 800-ge jýyq aǵashty otyrǵyzý josparlanǵan. Budan ózge 2,5 myń sharshy metrden astam jer gúlzarǵa aınalady.

Bul aktsııany qalanyń Jasyl ekonomıka basqarmasy «Aǵash otyrǵyz» respýblıkalyq qoǵamdyq birlestigimen birge bıznes qoǵamdastyqtyń demeýshilik kómegi arqasynda júrgizýde. ıAǵnı, jobany júzege asyrýǵa bıýdjetten bir tıyn da jumsalmaıdy.

Aǵash otyrǵyzý jumystary 10 sáýirge deıin tolyq aıaqtalady.

Jaqyn arada Almaty ákimdiginiń bastamasymen qolǵa alynǵan «Jasyl meken» aktsııasy barysynda qalanyń barlyq aýdandarynda 12 myńnan astam aǵash otyrǵyzý josparlanǵan.