Almatydaǵy ál-Farabı dańǵylynyń bir bóligi jabylady

ALMATY. QazAqparat- Almatyda 19 aqpanda jyl saıynǵy «Winter Run 2023» qysqy jarysy ótedi. Osyǵan baılanysty saǵat 04:00-den 12:00-ge deıin júgirý jarysy ótetin jerlerde qozǵalys ishinara jabylady, dep habarlaıdy QazAqparat tilshisi.

Uıymdastyrýshylardyń málimetinshe, júgirý jarysy «Nurly taý» bıznes-ortalyǵynan bastalady.

Qatysýshylar ál-Farabı dańǵylymen Gagarın kóshesine deıin júgirip, «Nurly taýǵa» deıin keri burylady.

Ál-Farabı dańǵylynyń soltústik jaǵyndaǵy Nazarbaev dańǵylynan Jeltoqsan kóshesine deıingi jol ýchaskesindegi qozǵalys saǵat 04:00-den 12:00-ge deıin jabylady.

Meńdiqulov kóshesinen ál-Farabı dańǵylynyń boıyndaǵy tonnelge kirý saǵat 04:00-den 12:00-ge deıin jol qozǵalysy shekteledi.

Ál-Farabı dańǵylynyń ońtústik jaǵy kólik qozǵalysy úshin ashyq jáne bos bolady.

Derekter júgirý jarysyna qatysýshylardyń qozǵalys ýaqytyn utymdy bólýdi eskere otyryp engizildi.