Almatydaǵy ál-Farabı dańǵylynda jıektastar aýystyryldy

ALMATY. QazAqparat – Almatyda ál-Farabı dańǵylynda jıektastardyń 3%-y aýystyryldy, dep habarlaıdy QazAqparat tilshisi.

Almaty ákimdiginiń málimetinshe, ál-Farabı dańǵylynyń boıy Dostyq pen Asqarov kóshesine deıingi aralyqta ortasha jóndeý jumystary barysynda jıektastar ornatyldy. «Jóndeletin aýmaqta barlyǵy 25,3 myń metr borttyq tastar ornatyldy. Ortasha jóndeý barysynda onyń ishinde 16, 4 myń metr jıektastardy tegisteý úshin bólshekteldi, al aqaýyna baılanysty qaıta paıdalanýǵa kelmeıtin 780 metr jıektastar ǵana aýystyryldy. Osylaısha, osy dańǵyldaǵy jańadan aýystyrylǵan jıektastardyń úlesi shamamen 3%. Bul qala boıynsha jańasyna aýystyrýdyń ortasha kórsetkishi», - dep atap ótti ákimdikten.

Buǵan deıin Almaty ákimi Erbolat Dosaev Bostandyq aýdanynyń halqymen kezdesýinde megapolıs joldarynda bordıýrdiń eki túri ǵana bar ekenin atap ótken bolatyn.

Aıta keteık, ál-Farabı dańǵylynda ortasha jóndeý jumystary merziminen 2 apta buryn – 16 tamyzda aıaqtaldy, trotýarlardy jóndeý de 31 tamyzǵa deıin bitedi.

Bıylǵy jol jóndeý kezinde alǵash ret polımerler qosylǵan asfaltbeton qospasy qoldanyldy.