Almatydaǵy ál-Farabı dańǵylynda bolǵan iri jol apatynan 7 adam zardap shekti
ALMATY. QazAqparat - Ál-Farabı dańǵylynda bolǵan iri jol apatynan zardap shekkenderdiń jaǵdaıy belgili boldy, dep habarlaıdy QazAqparat tilshisi.
Almaty qalalyq densaýlyq saqtaý basqarmasy málimetinshe, jol apatynan 7 adam zardap shekti, onyń 4-ýi bala.
«Bir eresek adam oqıǵa ornynda aýrýhanaǵa jatqyzýdan bas tartty, ekeýin jedel járdem brıgadasy qalalyq klınıkalyq aýrýhana men ortalyq klınıkalyq aýrýhanaǵa jetkizdi. Bas jaraqatyn alyp, denesi kógergen. Barlyq medıtsınalyq tekserýlerden keıin olar ambýlatorlyq emdeýge jiberildi», - dep habarlady densaýlyq saqtaý basqarmasynan.
Tórt bala Balalar jedel medıtsınalyq járdem ortalyǵyna jetkizildi.
«Barlyq qajetti medıtsınalyq tekserýler júrgizilip, mamandar tekserdi. Tekserý kezinde bas-mı jaraqaty men neırohırýrgııalyq patologııa derekteri anyqtalǵan joq. Barlyq 4 naýqas jumsaq tinderdiń kógerýi dıagnozymen ambýlatorlyq emdeýge jiberildi», - dep atap ótti basqarmanyń baspasóz qyzmeti.
Eske salsaq, 21 tamyz kúni Almatynyń Ál-Farabı dańǵylynda iri jol apaty boldy.
Keıin jelide iri jol apatynyń vıdeosy tarady
