Almatydaǵy aqyly avtoturaq: Qandaı problemalar bar
ALMATY. QazAqparat– Qalanyń Qoǵamdyq keńesiniń ókilderi megopolıstegi biryńǵaı avtomattandyrylǵan aqyly turaq júıesiniń jumysy týraly aıtty, dep habarlaıdy QazAqparat tilshisi.
Jıyn barysynda Qoǵamdyq keńes ókilderi aqyly avtoturaq oryndarynyń qaýipsizdigin talqylandy. Pikirtalasqa qatysýshylar qoǵamdyq oryndarda «Sergek» kameralarynyń sanyn arttyryp máseleni sheshýge bolatynyn jetkizdi.
Sondaı-aq, kezdesýde múmkindigi shekteýli jandarǵa arnalǵan avtoturaq oryndarynyń jetkiliksizdigi jáne avtomobıl otyrǵyzýǵa jáne odan túsirýge yńǵaıly múmkindikti bermeıtini týraly másele kóterildi. «A-Parkıng» ókilderi qalalyq múgedekter qoǵamdarynyń ókilderimen birlesip, «Invataksı» avtokóliginde aqyly avtoturaqtyń eń tyǵyz aımaqtarymen aınalyp ótip, sol jerlerde oryn alǵan máselelerdi anyqtaǵanyn habarlady. Qazirgi ýaqytta eskertýler jol polıtsııasynyń kúshimen birge joıylýda.
Sonymen qatar, mekenjaı anyqtamalaryn alyp tastaý máselesi kóterildi, onyń saldarynan qala turǵyndary naqty turaq aımaǵynda turý faktisin rastaý múmkindiginen aıyryldy. Aldaǵy ýaqytta bul máselelerdi Qoǵamdyq keńes pen joba mamandary qala bıligimen birlesip sheshetin bolady.
Qoǵamdyq keńes ókilderiniń aıtýynsha, joba iske qosylǵaly aqyly avtoturaq aımaqtarynda qozǵalys jyldamdyǵy 12%-ǵa artyp, qala ortalyǵyndaǵy kólik sany 15%-ǵa azaıǵan. Turaqtyń ortasha ýaqyty 50%-ǵa deıin qysqarǵan.
Almaty qalasynyń biryńǵaı avtomattandyrylǵan turaq keńistigin damytýǵa arnalǵan ınvestıtsııa kólemi búginde 3,96 mlrd teńgeni qurady. Almatyda turaq keńistigin uıymdastyrý jónindegi barlyq reformalar jeke ınvestor esebinen júrgizildi.
Aıta keteıik, Almaty qalasynda aqyly avtoturaqtar júıesiniń jumysy barysynda bıýdjetke barlyǵy 1,7 mlrd teńge tústi, onyń ishinde 561 mln – salyq aýdarymdary, 267 mln – kólik turaǵy úshin tólemder, 247 mln – memleketke mindetti tólemder, sondaı-aq 622 mln teńge jol júrý erejesin buzǵany úshin aıyppul túrinde qala bıýdjetine tústi.
