Almatydaǵy «Aqkent» turǵyn úı keshenindegi órtke qatysty eki qylmystyq is qozǵaldy

ALMATY. QazAqparat - Almatydaǵy «Aqkent» turǵyn úı keshenindegi alapat órt oqıǵasy boıynsha eki qylmystyq is qozǵaldy. Bul týraly Almaty qalalyq TJD bastyǵynyń mindetin atqarýshy polkovnık Erlan Álibekov aıtty, dep habarlaıdy QazAqparat tilshisi.

«Órt faktisi boıynsha qalalyq prokýratýra vedomstvoaralyq tergeý jedel tobyn qurdy, onyń quramyna anyqtaýshylar kirdi. Eki qylmystyq is qozǵaldy. Órt-tehnıkalyq saraptamalar taǵaıyndaldy. Qazirgi ýaqytta jedel tergeý áreketteri júrgizilýde», - dedi spıker.

Eske salaıyq, biz buǵan deıin Almatyda 16 qabatty úıde órt bolǵanyn habarlaǵanbyz
Qyzyl jalyn saǵat 18:46 kezinde oqshaýlanyp, sóndirildi.
31 adam, onyń ishinde 16 bala aýrýhanaǵa jetkizilgen bolatyn.
Amaly qalmaǵan turǵyndar balalaryn terezeden laqtyrdy.
Zardap shekkenderdiń ishinde 2 júkti áıel bar.
Keıin Almaty qalalyq densaýlyq saqtaý basqarmasy bir adamnyń qaza tapqanyn habarlady.
Órtten zardap shekken turǵyndar tamaq jáne jatyn orynmen qamtamasyz etildi.