Almatydaǵy akademııalyq opera jáne balet teatrynda «Karmen» operasynyń jańa premerasy bolady

Sońǵy ret bul spektakl osy teatrda 2007 jyly 5 sáýirde qoıylǵan bolatyn, odan keıin moraldik jaǵynan eskirgen degen sebeppen alynyp tastaldy.

Qoıýshylar jańa «Karmenniń» mazmunyn búgingi ýaqytqa aýystyrdy, sonymen qatar onyń zamanaýı sahnalyq dekoratsııalary men rekvızıtteri de ózgeristerge ushyrady. Bul Qazaqstannyń operalyq sahnasyndaǵy eń biregeı qoıylym bolmaq.

Ataqty «Karmen» operasyn Jorj Bıze jazǵan bolatyn, onyń negizine frantsýz jazýshysy Prosper Merımeniń novellasy alyndy.

«Karmen» oprerasynyń jańartylǵan premerasy 16-17 mamyr kúnderi ótedi.

Dırıjer-qoıýshysy - Alan Bóribaev. Basty Don Hoze rólin meksıkandyq tenor Hoel Montero somdaıdy. Qoıýshy-rejısseri - Láılim Imanǵazına, qoıýshy-sýretshisi - Vıacheslav Okýnev, hormeısteri - Álııa Temirbekova, baletmeısteri - Gúljan Túktibaeva.

«Qazkommertsbank» 2008 jyldan beri Abaı atyndaǵy opera jáne balet teatrynyń bas demeýshisi bolyp keledi. Osy yntymaqtastyq kezinde taraptar birneshe jańa operalardy sahnaǵa shyǵardy, birneshe ret operalyq jáne balet óneriniń halyqaralyq festıvaldaryn ótkizdi. 2013 jyly bank osy teatrmen birlesip, ıtalıan kompozıtory Djýzeppe Verdıdiń 200 jyldyǵyna arnalǵan festıval ótkizdi.

Ótken jyly «Qazkommertsbanktiń» qatysýymen «Abaı» operasynyń jańa qoıylymy jáne «Uıqydaǵy arý» baletiniń premerasy ótken bolatyn.