Almatydaǵy Ahmet Baıtursynovtyń murajaı-úıi ákimdik menshigine qaıtaryldy

ALMATY. QazAqparat – Almatydaǵy Ahmet Baıtursynovtyń murajaı-úıi ákimdik menshigine qaıtaryldy, dep habarlaıdy QazAqpart tilshisi.

Almaty ákimi Baqytjan Saǵyntaev murajaı-úıdi qoǵamdyq qordan kommýnaldyq menshikke berý týraly sheshim qabyldanǵanyn aıtty.

«Keler jyly kórnekti aǵartýshy Ahmet Baıtursynovtyń týǵanyna 150 jyl tolady. Mereıtoıǵa daıyndyq barysynda qoǵam qaıratkeri turǵan murajaı-úıdi qala menshigine qaıtardyq. Onyń murasy máńgilik saqtalady», - dep jazdy Baqytjan Saǵyntaev óziniń Twitter-degi akkaýntynda.

HH ǵasyrdyń basynda salynǵan murajaı ǵımaraty respýblıkalyq mańyzy bar tarıh jáne mádenıet eskertkishteriniń memlekettik tizimine engizilgen.
Ǵımarattyń jalpy aýdany – 160 sharshy metr.
Murajaı 1993 jyly quryldy jáne 1998 jyly resmı túrde ashyldy.
Onda Ahmet Baıtursynovtyń ómiri men shyǵarmashylyǵynan syr shertetin 500-ge jýyq qundy materıal saqtalǵan.