Almatydaǵy aǵashtary kesiledi degen saıabaq qaıta qalpyna keltiriletin boldy
ALMATY. QazAqparat 2017 jyldyń sońyna qaraı Almatydaǵy «ıÝjnyı» saıabaǵy tolyǵymen qalpyna keltiriledi. Bul týraly Almaty qalasy Bostandyq aýdanynyń ákimi Bekqalı Torǵaev málim etti, dep habarlady «QazAqparat» tilshisi.
«Qazirgi ýaqytta jobalaý-smetalyq qujattamasy ázirlenip jatyr. Kelesi jyldyń sońyna deıin saıabaq tolyǵymen qalpyna keltiriledi. Byltyr bul máseleni ózim kótergem. Tabıǵı resýrstar jáne tabıǵatty paıdalanýdy retteý basqarmasy saıabaqqa arnap joba daıyndady. Kelesi jyly qalalyq bıýdjet esebinen joba ıgerile bastaıdy. Joba aıaqtalýǵa jaqyn. Bitkennen keıin ınvestorlarǵa tanystyrylady», - dedi B.Torǵaev.
«ıÝjnyı» saıabaǵynyń aýmaǵy 14,22 gektar. Saıabaqta 5000 aǵash bar. Erterekte atalǵan saıabaqtaǵy aǵashtar kesiledi degen habar taraǵan bolatyn. Biraq, Almaty ákimdigi bul aqparatty joqqa shyǵardy.
Sonymen qatar, aýdan ákimi «ADK» saýda ortalyǵynyń joǵarǵy jaǵynda taǵy eki balabaqsha salynatynyn aıtty.
