Almatydaǵy Abaı kóshesin sozý qashan aıaqtalady
Bul jumys 2017 jyly bastalǵan bolatyn.
«Naýryzbaı aýdanynda Abaı kóshesiniń boıynda 264 nysan ornalasqan. Olardyń birazy ýchaskesin satýǵa sot arqyly kelisti. Qalǵany sotta qaralyp jatyr. Baǵalaý júrgizilip jatyr. Abaı kóshesi Áshimov kóshesine deıin sozyldy. Batystan Karernaıa kóshesinen Nurly kóshesine deıin de jóndeý jumystary aıaqtaldy. Endi osy eki ýchaskeni qosý ǵana qaldy», - dedi ol.
Ákimniń aıtýynsha Jer qatynastary basqarmasy jerdi memleket múddesine satyp alýmen aınalysyp jatyr.
Bıyl osy maqsatta 3,7 mlrd teńge bólindi.
«Bul belgilengen ótemaqyǵa kelisken ýchaskeler boıynsha kórsetilgen soma. Kelispegen adamdarmen jumys kelesi jyly sotta qaralady. Anyq ýaqytyn aıtý múmkin emes. Shamamen eki jylda júzege asyp qalar dep oılaımyn», - dedi Sanjar Toǵaı.
Sonymen qatar, aýdan basshysy Tóle bı kóshesiniń bolashaqtaǵy kelbeti týraly baıandady.
«Almaty qalalyq bas josparyna sáıkes Tóle bı kóshesi Nurly kóshesine deıin sozylýy tıis. Bul kóshe aýdan ákimdiginen bastalyp, Raıymbek kóshesine deıin sozylatyn bolady. Búgingi tańda Nurly kóshesin Raıymbekke deıin sozý, Tóle bı kóshesin Nurly kóshesine deıin sozý máselesin qarastyryp jatyrmyz. Bul sharalar qalaǵa kiretin kólikter aǵynyn azaıtýǵa septigin tıgizbek. Joba bıyl aıaqtalady. Kelesi jyly qurylys jumystary bastalady», - dedi ol.
