Almatydaǵy Abaı dańǵylyn qala shekarasyna deıin uzartý jumysy qashan aıaqtalady
ALMATY. QazAqparat- Naýryzbaı aýdanynyń jol-kólik ınfraqurylymy ózekti máselelerdiń biri. Bul týraly aýdan turǵyndarymen kezdesý barysynda qala basshysy Erbolat Dosaev aıtty, dep habarlaıdy QazAqparat tilshisi.
Aıtýynsha, 2022 jyly «Aqjar» shaǵyn aýdanynda 10 shaqyrym jol jáne «Aqjar», «Qaraǵaıly» men «Shuǵyla» yqsham aýdandarynyń 12 kóshesinde 8 shaqyrym trotýar salyndy, 23 km jolǵa ortasha jóndeý júrgizildi.
Bıyl 2023 jyly «Aqjar» jáne «Shuǵyla» shaǵyn aýdandary boıynsha 20 kóshede 16,4 km jol salynyp, 21 km jol ortasha jóndeýden ótedi.
Erbolat Dosaev Abaı dańǵylyn uzartý jumystary jyl sońyna deıin aqtalatynyn tilge tıek etti.
«Jyldyń sońyna deıin Abaı dańǵylyn qala shekarasyna deıin uzartý jumystaryn aıaqtaýdy josparlap otyrmyz. Qazir jer telimin satyp alý jáne alyp qoıý jumystary júrip jatyr. Osy aıda A. Jubanov kóshesin B. Momyshuly kóshesinen qala shekarasyna deıin uzartý jobasyna memlekettik saraptamanyń qorytyndysy shyǵýy tıis», - dedi qala ákimi.
Sonymen qatar, ol Naýryzbaı aýdanynyń jol-kólik ınfraqurylymyn damytý máselesi ózekti ekenin atap ótti.
