Almatydaǵy Abaı dańǵyly Momyshuly kóshesinen qalanyń shekarasyna deıin uzartylmaq
ALMATY. QazAQparat - Abaı dańǵyly 2021 jyly Momyshuly kóshesinen Naýryzbaı aýdanynyń ákimshilik ortalyǵyna deıin uzaratyn bolady.
Bul týraly Almaty ákimi Baqytjan Saǵyntaev «Almaty» telearnasyndaǵy tikeleı efır barysynda málim etti, dep habarlaıdy QazAqparat tilshisi.
Baqytjan Saǵyntaevtyń aıtýynsha, tórt joba júzege asyrylýda. Abaı dańǵylyn Momyshuly kóshesinen qala shekarasyna deıin 4,8 shaqyrymǵa uzartylady. ıAssaýı kóshesinen Shuǵyla shaǵynaýdanyndaǵy Bereke kóshesine deıingi iske asýy tıis ýchaskeniń uzyndyǵy 3 shaqyrym.
Joba boıynsha 6 jolaqty joldyń qurylysy qarastyrylǵan – ár baǵyt boıynsha 3 jolaq, jaıaý júrginshiler trotýarlary, velosıped joldary. Sonymen qatar, 4 jer ústi jaıaý júrginshiler ótkelin salý qarastyrylǵan.
Qazirgi kezde ınjenerlik jelilerdi qaıta tartý, tórt jaıaý júrginshiler ótkelin salý jumystary júrýde.
Sonymen birge, qurylys salynatyn jerlerdegi jer ýchaskelerin satyp alý jumystary júrgizilýde. Qazirdiń ózinde 182 ýchaske satyp alyndy, qalǵan 13 ýchaskeni satyp alý pysyqtalýda. Atalǵan jer ýchaskeleri ýaqtyly satyp alynsa, onda jumysty aǵymdaǵy jyldyń sońyna deıin aıaqtaý kózdelgen.
Stroıtelnaıa kóshesinen qala shekarasyna deıingi uzyndyǵy 600 metr bolatyn ýchaskedegi jumys 2023 jyldyń sońyna deıin aıaqtalady. Joldyń qalalyq shekaradan Úlken Almaty aınalma avtojolyna deıingi bóligin Almaty oblysynyń ákimdigi 2023 jyldyń sońyna deıin de júzege asyrady. Budan ózge, uzyndyǵy 500 metr bolatyn Momyshuly kóshesinen ıAssaýı kóshesine deıingi ýchaskedegi jumys metropolıtenniń ekinshi kezeńindegi «Dostyq» beketiniń qurylysy aıasynda júzege asyrylady.
Osylaısha, bıylǵy jyldyń sońyna deıin Abaı dańǵyly Momyshuly kóshesinen Naýryzbaı aýdanynyń ákimshilik ortalyǵyna deıin uzaratyn bolady.
Saın kóshesin Rysqulov dańǵylynan Móńke bı kóshesine deıin 3,2 shaqyrymǵa uzartý josparlanǵan. Joba boıynsha 6 jolaqty joldyń qurylysy, ár baǵytta 3 jolaq, jaıaý júrginshiler trotýarlary, velosıped joldary jáne jaıaý júrginshiler ótkelderi qarastyrylǵan.
Kósheniń osy bóliginiń qurylysy jolaıryǵymen qosa alǵanda Alataý aýdanynyń shaǵyn aýdandary men qala mańyndaǵy eldi mekenderdi qalanyń negizgi magıstraldarymen baılanystyrady jáne mańyzdy kólik dálizin jasaıdy.
Naýryzbaı aýdanyndaǵy Alataý kóshesi kóshesi Sabdenov kóshesinen Raıymbek dańǵylyna deıi sozylady, uzyndyǵy – 2 shaqyrym. Joba boıynsha 4 jolaqty jol qarastyrylǵan. Jumys qyrkúıek aıyna deıin tolyq aıaqtalady.
Osy ýchaske qurylysynyń aıaqtalýy Abaı dańǵylyn úńgileýmen birge Naýryzbaı aýdanynynyń ortalyǵyn qalanyń negizgi kommýnıkatsııalarymen baılanystyrýǵa múmkindik beredi.
Áýezov kóshesin soltústik baǵytta Gogol kóshesinen Raıymbek dańǵylyna deıin úńgileý qalany damytýdyń bas josparynda qarastyrylǵan. Áýezov kóshesindegi ýchaske qurylysy 4 jolaqty. Bul Soltústik-Ońtústik baǵytynda kólik ótkizý qabiletin edáýir arttyrady.
Jańa ýchaskeniń kólik ótkizý qabileti táýligine shamamen 36 myń kólikti quraıdy, bul kórshi kóshelerdegi júktemeni edáýir jeńildetedi.
