Almatydaǵy Abaı dańǵyly qalaı uzaratyny belgili boldy

ALMATY. QazAqparat - Almatyda Abaı dańǵyly qalaı uzaratyny belgili boldy. Naýryzbaı aýdanynda ótken ınvestıtsııalyq forým barysynda Almaty qalasy Jolaýshylar kóligi jáne avtomobıl joldary basqarmasy jol ınfraqurylymy bóliminiń basshysy Ernur Ábjahan Abaı dańǵylyn uzartý jobasy týraly aıtyp berdi.

Mamannyń aıtýynsha, bul joba qaladaǵy kólik aǵynyn azaıtý jáne qala ortalyǵy men oǵan qosylǵan aýdandardyń jol qatynasyn qamtamasyz etý maqsatynda júzege asyrylýda.

«Dańǵyldy uzartý jumystary 2 kezekten turady: birinshi kezegi qalanyń batys jaǵyna qaraı Áýezov kóshesinen Qalqaman shaǵyn aýdanynyń shekarasyna deıin, al ekinshi kezegi - Momyshuly kóshesinen Áýezov kóshesine deıin Qalqaman shaǵyn aýdanyna barady», - dedi Abjahan.

Qazir, Naýryzbaı aýdanyniń ákimshilik ortalyǵynyń aýmaǵynda jol salynyp jatyr.

Jumys 2017 jyldyń jeltoqsanynda aıaqtalady dep josparlanýda.

Jańa jol 6 jolaqtan turady. Velojoldary men jaǵa joldary bolady. Sondaı-aq, eki jerústi jaıaý júrginshiler ótkeliniń qurylysy kózdelip otyr.