Almatydaǵy Abaı dańǵyly qalaı ózgeredi
ALMATY. QazAqparat - Almatyda Abaı dańǵylyn qaıta jasaý jospary kópshiliktiń talqylaýyna usynyldy, dep habarlaıdy QazAqparat tilshisi.
Jańa joba sýret ıllıýstratsııasy túrinde qalalyq Sáýlet jáne qala qurylysy basqarmasynyń saıtynda jarııalandy.
Onda Abaı dańǵyly Dostyq kóshesinen Esentaı ózenine deıingi turǵyn úı men azamattyq nysandardyń ózgerýi kórsetilgen.
Atap aıtqanda, KMEBI, QazUAÝ ǵımarattary, Ulttyq kitaphana nysandarynyń aldy keńeıtilip, jaıaý júrginshilerge arnalǵan alańdar, jasyl jelek, velojoldar paıda bolady.
Osy saýalnama nátıjesine sáıkes qoǵamdyq tyńdaý jarııalanbaq.
Qazirgi ýaqytta topografııalyq túsirilim, eskız jobalar jasaldy. Eskız jobasy tapsyrys berýshimen kelisildi.
Endi qalanyń bas jospary men rekonstrýktsııa eskızi teńestirilip jatyr.
Aqpan aıynan bastap eskızge saı kóshedegi nysandardyń demontajy, kógaldandyrý, trotýarlardy qaıta tóseý bastalady.
