Almatydaǵy №7 qalalyq klınıkalyq aýrýhanada emdeletinderdiń sany bıyl bir aıdyń ishinde anaǵurlym artty
ALMATY. Aqpannyń 5-i. QazAqparat /Erlik Erjanuly/ - Almatydaǵy №7 qalalyq klınıkalyq aýrýhanada bıyl ózge aımaqtardan kelgen 320 naýqas emdelip shyqty.
Bul búgin Almaty qalasynyń densaýlyq saqtaý mekemelerindegi partııalyq baqylaý posttarynyń qyzmetin túsindirýge arnalǵan baspasóz máslıhatynda aıtyldy, dep habarlaıdy QazAqparat.
"Ulttyq biryńǵaı densaýlyq saqtaý júıesin (UBDSJ) qurýǵa baılanysty byltyr medıtsınalyq mekemeler akredıtatsııadan óttken bolatyn. Sonyń nátıjesinde bıyl turǵyndarǵa emhanalardy ózderi tańdaýyna múmkindik týyp, oǵan 1 aı ýaqyt berildi. Aqpannyń 1-i kúni aıaqtalǵan bul sharanyń qorytyndysyn qalalyq densaýlyq saqtaý basqarmasy aqpannyń 10-yna deıin habarlaıtyn bolady. Bul jumystar medıtsınalyq qyzmet sapasyn arttyryp, densaýlyq saqtaý mekemeleri qyzmetkerlerin yntalandyrýǵa serpin berýge tıis", deıdi Almaty qalasyndaǵy Áýezov aýdanynyń aýmaqtyq partııalyq baqylaý komıssııasynyń tóraǵasy Erbolat Qasymov. Onyń aıtýynsha, máselen Áýezov aýdanyndaǵy №7 qalalyq klınıkalyq aýrýhanada buryn ózge aımaqtardan 200 adam emdelip shyǵatyn. Bıyl onda qańtar aıynda ǵana 320 naýqas emdeldi. Sonyń nátıjesinde, endi bul aýrýhanaǵa ózderine bólinetin qarjy kólemin ótken jyldarmen salystyrǵanda birshama ulǵaıtýǵa qol jetkizip otyr.
