Almatydaǵy 600 ǵımarat áleýmettik beıimdeý aıasynda qaıta jabdyqtaldy
ALMATY. QazAqparat - Almatyda múmkindigi shekteýli jandarǵa qolaıly jaǵdaı qalyptastyrý úshin áleýmettik jáne kólik ınfraqurylymy nysandaryn beıimdeý jumystary jalǵasýda, dep habarlaıdy QazAqparat tilshisi.
Almaty qalalyq áleýmettik ál-aýqat basqarmasynyń málimetinshe, 2019 jylǵa arnalǵan beıimdeý kestesi boıynsha, qalada 600 ǵımarat qaıta jabdyqtaldy.
Medeý aýdanynda ornalasqan barlyq memlekettik mekemelerge, kásipkerlik qyzmetpen aınalysatyn zańdy jáne jeke tulǵalarǵa monıtorıng únemi júrgiziletin bolady. Olarǵa «QR Múgedekterdi áleýmettik qorǵaý týraly» zańyna sáıkes kedergisiz ortany qamtamasyz etý týraly habarlama jiberiledi. Búgingi tańda aýdandaǵy 92 nysannyń 73-i beıimdelgen.
3 myńnan astam múmkindigi shekteýli jan turatyn Naýryzbaı aýdanyndaǵy ǵımarattardyń 60% beıimdeldi. Negizgi bóligi - densaýlyq saqtaý jáne bilim berý nysandary.
Bul baǵyttaǵy jumystar jalǵasýda.
