Almatydaǵy №6 kóldegi sý deńgeıi 3,5 metrge tómendedi, sý tasqyny qaýpi joq
ALMATY. 3 maýsym. QazAqparat /Erbol Azanbek/ - Almaty mańyndaǵy №6 kóldiń erneýinen asýy, ıaǵnı Almaty mańynda sý tasý qaýipi joq. Bul týraly búgin Almatyda «Qazseldenqorǵaý» AQ-y bastyǵy Toqtarbek Baımoldaev aıtty.
Onyń málimetinshe, geodezııalyq túsirilim nátıjesinde 27 mamyr kúni kóldegi sý deńgeıi 3579 metr bolǵan. ıAǵnı, sý burynǵy deńgeıden 3,5 metrge tómendegen. Sý kólemi 180,5 sharshy metr. Tereńdigi 13,3 metr.
T.Baımoldaev №6 kólde úlken kólemde sý jınalatyn basqa da jerasty qoımalary joqtyǵyn aıtady. Muz qabattary buzylmaǵan, kól betkeılerinde uńǵymalar anyqtalǵan joq, jarqabaqtardyń buzylýy da baıqalmaǵan. Gırologtarmen sý deńgeıin ary qaraı baqylaý jalǵasýda. Baqylaý -saýyqtyrý jumystary 20 maýsymnan 20 qyrkúıek aralyǵynda júrgiziletin bolady.
Onyń sózine qaraǵanda 1 mamyrdaǵy jer silkinisi kólge sý keletin M.Mámetov muzdyǵyna áser etpegen. «Bizdiń baqylaýymyzsha jer dúmpýiniń muzdyqqa asa qatty áseri joq, biraq azdaǵan syzattar men muz betiniń buzylýy baıqaldy»,- dedi T.Baımoldaev.
Ol sondaı-aq 17 mamyrdaǵy daýyldan soń «Qazseldenqorǵaý» AQ-y aldaǵy qystyń aıaǵyna deıin taýly jerdegi qardyń kólemin anyqtaýdy josparlap otyrǵandyǵyn jetkizdi. «Aımaqtar boıynsha qar kóshkini bolatyn jerlerdi anyqtap, kartasyn jasaý qajet. Kóshkinnen qorǵaý boıynsha áli jumys bastaǵan joqpyz, aldaǵy aılarda qyzý jumystar bastalady»,- dedi ol.
