Almatydaǵy 4 myńnan astam kóp qabatty turǵyn úıge 30 jyldan beri jóndeý jasalmaǵan - A. Esimov

ALMATY. 9 tamyz. QazAqparat - Qazaqstan burynǵy keńestik keńistikte turǵyn-úı qoryn qoldap, tártipke keltirý úshin memlekettik bıýdjetten qarjy bólip otyrǵan jalǵyz el.

Bul búgin Almatyda turǵyn-úı kommýnaldyq sharýashylyq, qysqy jylý maýsymyna daıyndyq pen  qoǵamdyq tártipti saqtaý máselelerine arnalǵan alqaly jıynda aıtyldy.

«743 jeke páter ıeleri kooperatıvteriniń (JPIK) 300-inde ǵana basqarýshy dırektor qurylymy qurylǵan.    Qalada 7771 kóp páterli úı bar. Onyń 1177-i memlekettik tirkeýden ótti. Bul óte az. Kóp páterli turǵyn úıdiń qujatyn jasap, memlekettik tirkeýden ótkizý 100 myń teńge turady. Sondyqtan biz jergilikti bıýdjetten 25 mıllıon teńge qarjy bóldik. Onyń kólemin ulǵaıta alamyz. Tek JPIK ózderi belsendilik tanytýy kerek», - dedi qala ákimi Ahmetjan Esimov. Onyń aıtýynsha, zań boıynsha  20-25 jylda kóp qabatty turǵyn úıde kúrdeli jóndeý júrgizilýi kerek. Sondyqtan arnaıy  memlekettik baǵdarlama jasalyp, 2011 jyldan bastap júzege asyryla bastady. Onda turǵyndarǵa 0,1 paıyzben nesıe berý qarastyrylǵan.  Ol óziniń tıimdiligin dáleldedi, jóndeýden keıin úıdiń baǵasy 12-20 paıyzǵa ósti. Tek bul úshin turǵyn úıdegi barlyq páter ıeleri ózara bátýaǵa kelýi kerek. Onsyz jóndeý jumysyna nesıe berilmeıdi.