Almatydaǵy №4 emhananyń qyzmetkerleri vırýs juqtyrdy degen aqparat jalǵan
ALMATY. QazAqparat – Almaty qalalyq Qoǵamdyq densaýlyq saqtaý basqarmasynyń baspasóz qyzmeti №4 emhananyń qyzmetkerleri jappaı koronavırýs juqtyrdy degen aqparatty joqqa shyǵardy, dep habarlaıdy QazAqparat tilshisi.
Áleýmettik jelide «atalǵan emhananyń 27 qyzmetkerinen koronavırýs tabyldy» degen aqparat taraǵan bolatyn.
«Bul – aqparat jalǵan. Qalalyq Qoǵamdyq densaýlyqty saqtaý basqarmasy memlekettik komıssııanyń TJ týraly sheshimine oraı 27 naýryzdan bastap №4 emhananyń Almaty oblysynda turatyn 27 qyzmetkerin Alan Cirsus qonaqúıine ornalastyrǵan bolatyn. Osy qonaq úıde jatqan Ortalyq klınıkalyq qalalyq aýrýhana qyzmetkeri Covid 19 ınfektsııasyn juqtyrýy múmkin bolǵandyqtan №4 emhananyń 27 qyzmetkeri 11 sáýirden bastap úı karantıninde jatyr. 11 sáýirde olardan PTR test alyndy. Analız olardyń koronavırýs juqtyrǵanyn kórsetpedi», - dedi qalalyq Qoǵamdyq densaýlyq saqtaý basqarmasynyń baspasóz qyzmetinen.
