Almatydaǵy 4,5 myń úıi kúrdeli jóndeýdi qajet etedi
MATY. 4 qazan. QazAqparat /Ádilet Musahaev/ - Almaty qalasynyń turǵyn úı qory 7 myń 771 úı. Bulardyń 4,5 myńy kúrdeli jóndeýdi qajet etedi.
Bul jaıynda búgin Almaty qalasy Turǵyn úı basqarmasynyń bastyǵy Qaırat Nurqadilov BAQ ókilderimen kezdesý barysynda aıtty.
Onyń sózine qaraǵanda, TÚKSh-ty jańǵyrtý baǵdarlamasy aıasynda jóndeý jumystaryna 600 mıllıon teńge bólingen. Olardyń teń jartysy shatyrlardy, kire beristi jóndeýge jumsalsa, qalǵandary lıftilerdi jńartýǵa aýdarylmaq eken. «Bul qarjyny qala tek tamyz aıynyń basynda ǵana aldy, alǵashqy 40 úıdiń ınjenerlik jelileri aýystyrylmaıdy, óıtkeni jylý maýsymy bastalyp ketti. Qys túskenge deıin olardyń shatyrlary men kire berisi jóndeledi. Kommýnıkatsııany aýystyrý keler jyldyń kókteminde bastalady», -dedi Q.Nurqadilov.
Atalǵan baǵdarlamany Úkimet aǵymdaǵy jyldyń mamyr aıynda qabyldaǵan bolatyn, ol 2020 jylǵa deıin jalǵaspaq. Kúrdeli jóndeýdi qajet etetin turǵyn úı nysandarynyń úlesi 2015 jylǵa deıin 32%-dan 22%-ǵa, 2020 jyly 10 paıyzǵa deıin tómendeýi múmkin deıdi mamandar.
Sondaı-aq bul baǵdarlama aıasynda jylý, elektr, gaz jelileriniń 50 paıyzy tolyq jańartylyp, 11,5 myń kóppáterli úı qaıta jóndeýden ótedi jáne olardyń sapasyn servıstik kompanııalar óz moıyndaryna almaq.
