Almatydaǵy №307 jabyq saılaý ýchaskesinde daýys berý aıaqtaldy

ALMATY. QazAqparat - Pedıatrııa jáne balalar hırýrgııasy ǵylymı ortalyǵynda ornalasqan №307 jabyq saılaý ýchaskesinde daýys berý aıaqtaldy, dep habarlaıdy QazAqparat tilshisi.

«Klınıkada em alyp jatqan balalardyń ata-analary óz tańdaýyn jasap, daýys berdi. Saılaý ýchaskesinde barlyǵy 160 adam tańdaýyn jasady. Saılaý protsesin baıqaýshylar qadaǵalady. Qazirgi ýaqytta ýchaskelik saılaý komıssııasy daýystardy sanaýǵa kiristi»,- dep habarlady ortalyqtyń baspasóz qyzmeti.

Daýys berý tańǵy 7-de bastalyp, saǵat 11.00-de aıaqtaldy.

Aıta keteıik, Qazaqstanda QR Parlamenti Májilisi men máslıhat depýtattarynyń saılaýy ótip jatyr.