Almatydaǵy №2 perzenthanada júkti áıelden koronavırýs tabyldy
ALMATY. QazAqparat – Almaty № 2 perzenthanadan COVID19 ınfektsııasy tirkeldi. Bul týraly qalalyq ákimdiktiń baspasóz qyzmeti málim etti, dep habarlaıdy QazAqparat tilshisi.
«Perzenthanaǵa júktiliktiń 39-aptasyndaǵy kelinshek kelgen. Ol koronavırýs juqtyrǵan adammen baılanysta bolǵan. Ol bul aqparatty jasyryp qalǵan», - deıdi baspasóz qyzmeti.
Qazir qyzmetkerler men patsıentter PTR-testileýden ótti. Olardy basqa medıtsınalyq mekemelerge aýystyrý nemese úı karantınine jiberý qarastyrylyp jatyr.
«№2 perzenthana ǵımaratynda zararsyzdandyrý sharalary jasaldy. Qazir mekemede patsıent qabyldaý toqtatyldy. Qyzmetkerler men patsıentter taǵy qosymsha testileýden ótedi. Vırýs juqtyrǵany rastalmasa, perzenthana shtattyq rejimde jumysyn jalǵastyrady», - dedi ákimdikten.
