Almatydaǵy 2 bazarda avtobólshekterdi qujatsyz qabyldap, satqandar anyqtaldy
ALMATY. QazAqparat – Almatyda polıtsııa urlanǵan múlikti satý boıynsha qylmystylyqty azaıtý maqsatynda «Kar sıtı» jáne «Jibek joly» avtobazarlarynda reıd júrgizýdi jalǵastyryp jatyr, dep habarlaıdy QazAqparat tilshisi.
Jedel profılaktıkalyq shara barysynda 293 dúńgirshek tekserildi.
Bul núktelerde ustalǵan avtobólshekter saýdalanyp kelgen.
«Polıtsııa barlyq dúńgirshekti muqııat tekserip jatyr. Ásirese, buryn qoldanysta bolǵan múlikterdi satatyn saýdagerler jiti baqylaýǵa alyndy. Saýdasyndaǵy keıbir bólshekterdiń menshiktik qujattaryn kórsete almaǵan saýdagerlerdiń avtobólshekteri tárkilenip alyndy. Ary qaraı tergeý barysynda bul bólshekterdiń urlanǵany anyqtalsa, onda satýshy QR QK 296-babymen qylmystyq jaýapkershilikke tartylady», - dedi qalalyq PD Krımınaldy polıtsııa basqarmasynyń basshysy Janbolat Zıadın.
Júrgizilgen reıd barysynda 3 búıir aınasy, 20 akkýmýlıator, 4 fara, 10 burylys jaryǵy tárkilendi. Bul buıymdar Alataý jáne Áýezov aýdany polıtsııa basqarmasyna ótkizildi.
