Almatydaǵy 2 adam zardap shekken jol apaty: Júrgizýshi qashyp ketti
ALMATY. QazAqparat - Almatyda jol-kólik oqıǵasyna qatysqan avtomobıl júrgizýshisi izin sýytty, dep habarlaıdy QazAqparat tilshisi.
Bekmahanov kóshesimen shyǵysqa qaraı júrip bara jatqan Porsche Cayenne júrgizýshisi kólikti basqara almaı, bar ekpinimen Toyota Avensis-ti artynan kelip soqqan.
Qatty soqqy saldarynan Toyota Avensis aldymen jıektasqa, artynsha qorshaýǵa baryp soǵylǵan. Al Porsche Cayenne qarama-qarsy baǵyttaǵy jolǵa shyǵyp ketken.
Jol-kólik oqıǵasynyń saldarynan Toyota Avensis-tiń júrgizýshisi men jolaýshysy jaraqat alyp, aýrýhanaǵa jetkizildi. Porsche Cayenne-niń júrgizýshisi oqıǵa ornynan izin sýytqan.
Kýágerlerdiń sózine qaraǵanda, ol mas kúıde bolǵan.
Almaty polıtsııasy oqys oqıǵanyń mán-jaıyn tekserip jatyr, qashqyn júrgizýshige izdeý salyndy.
