Almatydaǵy №12 qalalyq emhana karantınge jabyldy
Qalalyq densaýlyq saqtaý basqarmasynyń habarlaýynsha, ortalyq qalalyq klınıkalyq aýrýhana taza jáne vırýs juqtyrǵan dep eki aımaqqa bólindi.
«Qazir qosymsha 150 juqpaly, 60 provızorlyq jáne 150 karantındik tósek-oryn ashyldy. Emdeýde jatqan naýqastarǵa medıtsınalyq kómekti tek obaǵa qarsy kostıýmderin kıgen medıtsına qyzmetkerleri kórsetýde. Patsıenttermen vırýsqa shaldyqpaǵan medıtsına qyzmetkerleri jumys isteýde. Koronavırýs juqtyrǵan medıtsına qyzmetkerleri jumystan shettetilip, ınfektsııalyq statsıonarlar men bólimshelerde emdelýde» delingen basqarma habarlamasynda.
Ákimshilik qyzmetkerlerdi áleýmettik qorǵaý boıynsha turaqty jumys júrgizýde. Karantın jáne jabyq keńistikte júrip-turý jaǵdaıynda adamdardyń psıhologııalyq jaı-kúıi nasharlaýy múmkin ekenin eskere otyryp, ujymda kommýnıtsırleýdiń barlyq ádisteri qoldanylýda.