Almatydaǵy №12 aýrýhanadan jarylǵysh zat tabylmady
ALMATY. QazAqparat - Almatyda № 12 qalalyq klınıkalyq aýrýhanadan tańerteń patsıentter men dárigerler qaýipsiz jerge shyǵaryla bastady. Bul týraly emdeý mekemesindegi oqıǵaǵa kýá bolǵan patsıentter aıtty.
«Men dárigerdiń qaraýyna kezekte otyrǵanmyn. Bir ýaqytta bizdi birden syrtqa shyǵara bastady. «Bireý jarylǵysh zat qoıǵan» degen habar tarady», - dedi ol.
Aýrýhananyń baspasóz qyzmeti habarlaǵandaı, aımaqtan jarylǵysh zat tabylmady. Qazir aýrýhana shtattyq rejimde jumys istep tur.
Al, qalalyq ІІD atalǵan derekke qatysty áli túsinikteme bergen joq.
