Almatydaǵy №1-shi perzenthananyń bas dárigeri qyzmetinen bosatyldy
ALMATY. 26 qarasha. QazAqparat /Názıra Eleýhan/- Almatyda 20 qarasha kúni №1-shi perzenthanadan balanyń urlanýy oqıǵasyna baılanysty perzenthananyń bas dárigeri Aqmıra Sadyqova qyzmetinen bosatyldy.
Bul týraly búgin Almaty qalalyq densaýlyq basqaramasynda qala ákiminiń orynbasary Serik Seıdýmanovtyń qatysýymen ótken shuǵyl májiliste belgili boldy.
Májiliste osy oqıǵaǵa baılanysty birneshe sharalar qabyldandy. Atap aıtqanda, qala ákimi Ahmetjan Esimov densaýlyq saqtaý basqarmasy mundaı oqıǵanyń aldyn alý úshin medıtsınalyq mekemeler men perzenthana úılerinde kirip-shyǵýdy baqylaý tártibin kúsheıtý týraly buıryq shyǵardy.
Buıryqta medıtsınalyq uıymdarda qyzmetkerlerdiń jaýapkershilikteri men oryndaýshylyq tártibin baqylaýdy kúsheıtý, sonymen qatar, áıeldiń bosanýy kezinde balany qabyldaýǵa qatysatyn adamdardy tirkeý kózdelgen.
