Almatydaǵy №1 perzenthananyń bas dárigeri para alǵany úshin sottaldy
Sot úkimine sáıkes, ol Qazaqstan Respýblıkasy Qylmystyq kodeksiniń 366-baby, 2-bólimi (para alý) boıynsha qylmys jasady dep tanylyp, 6 mıllıon teńge kólemindegi para mólsherinen otyz ese kóp aıyppul salyndy.
Іs jedeldetilgen sotqa deıingi is júrgizý barysynda qaralǵandyqtan, aıyptalýshy Raqyshevqa QK-niń 55-baby, 3-bólimine sáıkes aıyppul túrindegi jaza merzimi eń joǵarǵy jazanyń jartysynan, ıaǵnı paranyń otyz eselengen mólsherinen aspaýy kerek.
Sondaı-aq, sot Raqyshevty ómir boıyna memlekettik qyzmette jáne jergilikti ózin-ózi basqarýdaǵy laýazymdardy atqarý quqyǵynan aıyrdy.
Sonymen qatar, sot aıyptalýshy Raqyshevty medıtsınalyq qyzmetpen aınalysý quqyǵynan aıyrý qajettiligi týraly dáleldemelerdi negizsiz dep tapty, óıtkeni sotqa deıingi tergeý organy men sot ol jasaǵan qylmystyń onyń kásibı medıtsınalyq praktıkasyna qatysy joqtyǵyn anyqtady. Raqyshevtyń qylmystyq quqyq buzý áreketi múlikti jalǵa berý shartyn buzý múmkindikterin paıdalanýǵa baǵyttalǵan.
Sottyń anyqtaýy boıynsha, «O» JShS basshysy GOSREESTR.KZ portaly arqyly №1 KMÝ perzenthanasynyń aýmaǵyn jalǵa berý boıynsha tenderde jeńip shyqqan.
Sonymen, 2019 jylǵy naýryzda «O» JShS basshysy Sh. bıznesti júrgizý maqsatynda GOSREESTR.KZ portaly arqyly «№1 qalalyq perzenthana» KMM-de aýmaǵyn jalǵa berý boıynsha tenderdi jeńip shyqqan.
Osy jyldyń shilde aıynda qalalyq perzenthananyń bas dárigeri úı-jaılardy jaldaý kelisim-shartyn buzý múmkindigi bar ekenin túsinip, óziniń keńsesinde kompanııa dırektoryna kásipkerlik qyzmetti toqtatpaǵany jáne jalpy qorǵaǵany úshin aı saıyn 200 myń teńge tóleýge tıisti ekeni týraly sharttardy usynǵan.
Sondaı-aq, Raqyshev kásipkerge usynylǵan sharttardan bas tartqan jaǵdaıda jalǵa alýdy toqtatý úshin jazbasha túrde Memlekettik aktıvter keńsesine habarlasatynyn aıtqan. Al Sh. bolsa,suralǵan somany berýge kelisken.
Jasalǵan kelisimge sáıkes, jalǵa alýshy teńgerim ustaýshynyń jazbasha ótinishi boıynsha osyndaı sheshim qabyldaý sebepterin kórsete otyryp, shartty merziminen buryn buzýǵa quqyly ekenin atap ótken jón.
2019 jyldyń tamyz aıynda Sh. qalanyń Sybaılas jemqorlyqqa qarsy qyzmetine aýrýhananyń bas dárigeriniń zańsyz áreketteri týraly aryz jazǵan.
Kelesi kúni Sh. Raqyshevqa onyń qyzmettik kabınetinde 200 000 teńge berdi. Sol kúni perzenthananyń bas dárigeri qylmys jasaý ústinde ustaldy. Sotta Raqyshev óz kinásin tolyq moıyndady.