Almatyda «Zorlyq-zombylyqsyz januıa» aktsııasy bastaldy

Sharanyń maqsaty áıelderge qarsy kórsetiletin zorlyq-zombylyqtyń aldyn alý jáne názik jandylarǵa qol kóteretin er azamattarmen júıeli túrde túsindirme jumystaryn júrgizý bolyp tabylady.

Atalmysh shara aıasynda qala polıtseıleri esepte turǵan, otbasylyq urys-kerister jıi bolyp turatyn januıalardy jeke-jeke aralap, túsindirme jumystaryn júrgizetin bolady.

«Bul is-sharany ótkizýge ózge de memlekettik organdar men memlekettik emes uıymdardy da qatystyryp otyrmyz. Osy oraıda alǵa qoıǵan mindetterdi oryndaý úshin aktsııany ótkizýge ІІD-niń barlyq qyzmetteri men bólimsheleri atsalysady. Іs-shara kezinde jastar men stýdentter arasynda úgit-nasıhat jáne túsindirme jumystaryn júrgizý de josparlanǵan. Sonymen qatar joǵarǵy oqý oryndary stýdentteri men arnaıy orta bilim berý mekemeleriniń oqýshylarynan jasaqtalǵan valonterlar da kómek qolyn sozady. Al memlekettik emes uıymdar men kásiporyndar áıelderge qarsy kórsetiletin zorlyq-zombylyq taqyrybynda áleýmettik zertteýler júrgizetin bolady»,- dedi Almaty qalalyq ІІD Áıelderdi zorlyq-zombylyqtan qorǵaý jumystaryn uıymdastyrý bóliminiń aǵa ınspektory, polıtsııa podpolkovnıgi Maıa Toqsanova.

Onyń aıtýynsha, is-shara aıasynda áıel azamatshalar men balalardyń konstıtýtsııalyq quqyqtarynyń qorǵalýy tolyq qamtamasyz etilmek. "Bul oraıda bizdiń bólimshe kámelettik jasqa tolmaǵandar isimen aınalysatyn ınspektorlarmen, ýchaskelik ýákildermen tyǵyz qarym-qatynasta jumys atqarýda. Biz kelip túsken aryz-shaǵymdardy jiti tekserip, áıelderge qarsy zorlyq-zombylyq kórsetken tulǵalarǵa qatysty tıisti shara qoldanamyz",-dedi M. Toqsanova.

Aktsııa 14 naýryzǵa deıin jalǵasady.