Almatyda zııatkerlik oıyndar boıynsha alǵashqy ashyq báıge ótedi

Bul jaıynda búgin atalǵan sharany uıymdastyrýshy komıtettiń tóraǵasy Valerıı Volodın Almtydaǵy arnaıy baspasóz máslıhatynda aıtty.

Onyń aıtýynsha, álemniń kóptegen qalalarynda adamdardyń oı órisin, ıntelektýaldy izdeniske qumarlyǵyn arttyrýdy maqsat etetin zııatkerli klýbtar jumys atqarady. "Almatyda 2008 jyldyń qarasha aıynda qalamyzdyń 14 joǵary oqý oryndarynyń zııatkerli klýbtaryn biriktiretin «Zııatkerli sport lıgasy» qoǵamdyq birlestigi paıda boldy. Lıganyń basty maqsaty - Qazaqstan Respýblıkasynyń azamattary - mektep oqýshylary, stýdentter men eresekterdiń zııalylyǵyn arttyrýdaǵy sharalardy uıymdastyryp ótkizý", -deıdi ol.

2008-2011 jylar aralyǵynda Lıga 10 joǵary oqý ornynda 50-den astam sharalar men 30-dan astam qalalyq saıystardy uıymdastyrǵan. Búgingi tańda «Zııatkerli sport lıgasy» 400 den astam turaqty oıynshylardy biriktirip otyr.

"Báıgede Qazaqstan, Reseı, Belarýs, Ózbekstan, Túrikmenstan elderiniń úzdik oıynshylary men komandalary óz bilimderin ortaǵa salady. «Chto? Gde? Kogda?» televızııalyq oıynynyń «juldyzdary» Aleksandr Drýz, Borıs Býrda, Maksım Potashev, Ilıa Novıkov, Aleksandr Rýbın, Elena Potanına bul sharaǵa qatysý úshin Almaty qalasyna kelmekshi", -dep atap ótti óz sózinde V. Volodı.

Sáýir aıynyń 23-24-i aralyǵynda ótetin ashyq báıge ıntelektýaldy 3 oıyn túrinen ótpek. Uıymdastyrýshylardyń aıtýynsha, saıystyń suraqtaryn sheteldik jáne otandyq avtorlar birigip jazbaq. Sondyqtan ıntelektýaldy oıyndar barysynda Qazaqstannyń tarıhyna, mádenıetine, ádebıetine qatysty da suraqtar qoıylady.

Qazirgi kúni saıysqa qatysam deýshi 21 sheteldikten ótinish kelip tússe, Qazaqstan boıynsha 30 komanda atalǵan báıgege qatysýǵa qulyqty ekendikterin bildirgen. Sondaı-aq Latvııa men Izraıl azamattary da qyzyǵýshylyq bildirip, ótinish jibergen.

Atalǵan sharany uıymdastyrýshylar ataýly báıgegedegi «Chto? Gde? Kogda?» oıynyna Qazaqstannyń BAQ ókilderin de qatysýǵa shaqyrdy.