Almatyda Zııatkerlik kólik júıesin qurý boıynsha granttyq joba bekitildi
Baıan Qońyrbaev qalada IT-keńestiń qurylǵanyn, sonyń arqasynda tsıfrlyq qyzmettiń túrli formaty boıynsha derekterdiń, aqparattyq tehnologııalar salasyndaǵy problemalar men suranystardyń jınaqtalyp, sheshimin tabatynyn jetkizdi.
«AT-parkteriniń Creative Valley-men (Frantsııa) ádisnamasyn damytý jónindegi jol kartasy bekitildi. Almatyda 2020 jyly Qazaqstan-Brıtan tehnıkalyq ýnıversıtetiniń bazasynda iri ýrbanızatsııalanǵan júıelerge arnalǵan ınnovatsııalyq sheshimder baǵdarlamasy boıynsha Smart City zerthanasy ashyldy. Ótken jyldyń mamyr aıynda joba qorǵalyp, GPS arqyly mobıldi paıdalanýshylardyń belsendiligin baqylaýda Habidatum agregatory kompanııasymen ózara áreket ornatý úshin Halyqaralyq qarjy ortalyǵy arqyly grant alyndy. Almaty qalasynyń Zııatkerlik kólik júıesin qurý boıynsha dúnıejúzilik bankten 2022 jylǵa deıin quny 300 000 dollar bolatyn granttyq joba bekitildi», - dedi Baıan Qońyrbaev.
Spıker iske qosylǵan jobalarǵa toqtaldy. Olardyń ishinde 766 «Sergek» beketteri, adamdar jappaı jınalatyn oryndardaǵy 1000 beınebaqylaý kameralary, TJ boljaý júıesi, TJD teplovızorlyq kameralaryn ornatý, «Qaýipsizdik» baǵyty boıynsha ahýal ortalyǵy, baǵdarshamdardy basqarý júıesi bar.
Sondaı-aq Turǵyn úı kommýnaldyq sharýashylyǵy salasynda - ınjenerlik jelilerdiń monıtorıngi júıesi, kórsetkishterdi qashyqtyqtan berýge arnalǵan eseptegish aspaptarymen qamtý, páter ıeleriniń qyzmet kórsetetin uıymdarmen ózara is-qımyl jasaý júıesi jáne kósheni jaryqtandyrýdy basqarý júıesi.
Qalany basqarý salasynda - qalalyq bıýdjettiń, satyp alý men qalalyq josparlaýdyń qoǵamǵa ashyq bolýy, bıýdjettik baǵdarlamalardyń oryndalý monıtorıngi, qalanyń ahýal ortalyǵy jáne memlekettik qyzmetterdi avtomattandyrý.
Tsıfrlandyrý Almatynyń bilim berý salasyn da qamtydy. Qalada sport mektepterin basqarý boıynsha avtomattandyrylǵan júıe engizildi, memlekettik bilim berý mekemelerinde (220 mektep) qaýipsizdiktiń keshendi júıesi paıda boldy, al Almatynyń barlyq mektepterinde býhgalterııany ortalyqtandyrý jobasy damyp keledi.
Densaýlyq saqtaý salasynda medıtsınalyq tehnıka jumysynyń mártebesin qadaǵalaý múmkindigi paıda boldy, jaqyn mańda ornalasqan MSAK-tiń qoljetimdilik kartasy iske qosyldy, jedel medıtsınalyq kómek avtomashınalarynyń jumysyna monıtorıng júrgizildi jáne medıtsınalyq jáne zerthanalyq aqparattyq júıeler engizildi.
Áleýmettik salada – bul áleýmettik qyzmet kórsetý úıiniń qyzmet túrlerin avtomattandyrý jobasy jáne otbasynyń tsıfrly áleýmettik kartasynyń qoldanylýy.
Taǵy bir aıta keteri, Qońyrbaev qalada byltyr 27 jobanyń júzege asqanyn atap ótti.