Almatyda jyraýlar shyǵarmashylyǵyndaǵy 7 ǵasyrlyq el tarıhy aıtyldy
«Qazaq jyraýlary jyrlaǵan 700 jyldyq el tarıhy» respýblıkalyq ǵylymı-teorııalyq konferentsııa QR táýelsizdiginiń 25 jyldyǵy men Almaty qalasynyń 1000 jyldyǵy aıasynda ótti.
Jıyndy QR JOO qaýymdastyǵy, qalalyq ákimdik uıymdastyrdy.
Sóz alǵan tarıhshy, ádebıettanýshy ǵalymdar HІÚ ǵasyrdaǵy Sypyra jyraýdan keshegi Mahambet, Súıinbaılarǵa deıingi jyr tarlandary jyraýlar áýletiniń shyǵarmashylyǵy týraly zertteý jumystarymen, tyń derekterimen bólisti.
«Qazaq handyǵy shańyraq kóterip álem tarıhynan oryn alýyna Kereı men Jánibektiń etken eńbegi qandaı zor bolsa, sondaı eren qubylysty dál qalpynda beınelegen jyraýlar shyǵarmashylyǵynyń mańyzy da sonshalyqty. Atalǵan tarıhı tulǵalardyń is áreketi 15-16 ǵasyrlarda iri tarıhı oqıǵalarmen baılanysty bolsa, olar týraly jyraýlar dál baǵa berip otyrǵan. Osy oraıda suńǵyla sheshendiktiń arqasynda hannyń mysyn basyp, halyq tilegin jetkizetin jyraýlar edi. Handyq dáýirdegi jyraýlar shyǵarmashylyǵynyń bir ereksheligi - olarda kezdesetin folklor úlgileri, ańyzdar tarıhta bolǵan jaıttarmen tyǵyz baılanysty.
Jyraýlar shyǵarmalaryndaǵy keıipkerler el tarıhyndaǵy eleýli tulǵalar bolyp keledi. Ár jyraý óz zamanynyń tamyryn dóp basqan. Mysaly Sypyra jyraýdyń jyrlarynda Shyńǵys han, Ámir Temir esimderi kezdesse, qazaq handyǵynyń dáýirindegi jyraýlarda Abylaı, Kereı men Jánibek attary kezdesedi. Asan qaıǵy shyǵarmalarynyń bas obektisi - Áz Jánibek», - dedi M.Áýezov atyndaǵy ádebıet jáne óner ınstıtýtynyń dırektory, QR UǴA múshe-korrespondenti Ýálıhan Qalıjanov.
ál-Farabı atyndaǵy Qazaq Ulttyq ýnıversıteti fılologııa jáne álem tilderi fakýltetiniń professory, fılologııa ǵylymdarynyń doktory Jumat Tilepov 14-19 ǵasyrlardaǵy jyraýlar murasy týraly tyń derekterimen bólisti.
