Almatyda «Jyr júrektiń jylýy» atty poezııa keshi ótti
ALMATY. Qazannyń 23-i. QazAqparat /Ádilet Musahaev/ - Keshe «Ómirdi qorǵaý» qaıyrymdylyq qory men «Jas qazaq» gazeti birlesip,
Jazýshylar odaǵynyń 75 jyldyǵyna oraı «Jyr júrektiń jylýy» atty poezııa keshin ótkizdi, dep habarlaıdy QazAqparat.
Keshte Ulyqbek Esdáýletov, Lázzat Igisinova jáne birqatar aqyndar óleń oqyp, ásem ánder shyrqaldy. Sonymen qatar, atalmysh qor men «Jas qazaq» gazeti uıymdastyrǵan «Nurly kósh» taqyrybynda jazylǵan shyǵarmalar baıqaýynyń qorytyndysy shyǵaryldy. Baıqaý boıynsha Kókshe Aqyn, Nurgúl Janqydyrqyzy, Mereke Qazızuly jeńimpaz atandy.
«5-6 aıǵa jalǵasqan bul sharaǵa kóptegen adamdar qatysyp, bizge birqatar shyǵarmalar tústi. Zııaly qaýymnan kóshi-qon máselesine baılanysty, jalpy dúnıejúzindegi qazaqtardyń tutastyǵyn arqaý etken súbeli eńbekter kútken bolatynbyz. Degenmen, eń táýir degen shyǵarmalardy marapattadyq», deıdi «Ómirdi qorǵaý» qaıyrymdylyq qorynyń basshysy. Murathan Shoqanuly.
