Almatyda jyljymaly medıtsınalyq keshenderde 6 myń adam tekserýden ótti
ALMATY.QazAqparat- Almaty qalasy ákimdiginiń baspasóz ortalyǵynda Qoǵamdyq densaýlyq saqtaý departamentiniń basshysy BAQ ókilderine densaýlyq aılyǵy týraly aıtyp berdi, dep habarlaıdy QazAqparat tilshisi.
Qanat Tósekbaevtyń sózine qaraǵanda, qala ákimi Baqytjan Saǵyntaevtyń tapsyrmasymen departament sapaly medıtsınalyq kómekke qol jetimdilikti qamtamasyz etý úshin mobıldi toptardy iske qosty. 1-30 tamyz aralyǵynda Almaty qalasyndaǵy basqarmaǵa qaraıtyn medıtsınalyq uıymdar densaýlyq aılyǵyna qatysady.
Medıtsına bir qadam jaqyn. Negizgi maqsat – turǵyndardyń densaýlyǵyn nyǵaıtý, aýrýlardyń aldyn alý jáne órshýine jol bermeý.
Bul eń aldymen qala ortalyǵynan shalǵaı ornalasqan aýdandardyń turǵyndary úshin tıimdi. Olar óz aýdandarynda dárigerlerden keńes alyp, medıtsınalyq tekserýden óte alady.
Mobıldi keshender zamanaýı qurylǵylarmen jabdyqtalǵan. Joǵary mamandandyrylǵan medıtsına qyzmetkerleri, atap aıtqanda jalpy tájirıbelik dárigerler, pedıatrlar, kardıologtar, LOR dárigerleri, hırýrgter qabyldaıdy.
Aılyq barysynda adamdar holesterındi, qandaǵy qantty anyqtap, AITV-ınfektsııasyn jáne teri-venerologııalyq aýrýlardy anyqtaýǵa jedel tekserýden ótedi, dene salmaǵynyń ındeksin, kóz qysymyn tekserte alady.
Sondaı-aq, bir aıdyń ishinde medıtsına qyzmetkerleri turǵyndarǵa medıtsınalyq mekemege tirkelý jáne mobıldi qosymshany paıdalaný máseleleri boıynsha túsindirý jumystaryn júrgizedi.
1 tamyzdan 13 tamyzǵa deıin qalanyń 20-dan astam shalǵaı aýdandarynda medıtsınalyq mobıldi top jumys istedi. Onda 5 704 turǵyndy medıtsınalyq tekserýden ótti.
Qoǵamdyq densaýlyq saqtaý departamentiniń basshysy sonymen qatar, Almaty qalasy ákiminiń tapsyrmasymen qaladaǵy medıtsınalyq nysandarda tekserý júrgizilgenin aıtty.Tekserý barysynda 71 medıtsınalyq mekeme qamtyldy. Atap aıtsaq, 14-i statsıonarlyq, 38 alǵashqy medıtsınalyq kómek uıymdary, 7 feldsherlik-akýsherlik kómek jáne 12 basqa mekemeler bar.
Monıtorıng 4 krıterıı boıynsha júrgizildi: aýrýhanalardyń ǵımarattary men qurylymdyq bólimderiniń sanıtarlyq-gıgıenalyq, epıdemıologııalyq jaǵdaıy, medıtsınalyq qaldyqtardy jınaýǵa, zararsyzdandyrýǵa jáne saqtaýǵa qoıylatyn sanıtarlyq-epıdemıologııalyq talaptardyń buzylmaýy, qabyldaý bóliminiń «3N» tıpine sáıkes bolýy, alǵashqy medıtsınalyq-sanıtarlyq kómek pen aýrýhanalardyń jabdyqtalýynyń mınımaldy standarttaryna sáıkestigi.
Nátıjelerge sáıkes, qalanyń aýrýhanalary men emhanalaryn joǵary dáldiktegi jabdyqtarmen qamtamasyz etý shamamen 60% quraıdy. № 20, 21, 25, 26, 27 emhanalarynda bul kórsetkish 22% -ǵa jetpeıdi. Bıyl bul klınıkalar úshin 35 joǵary tehnologııalyq dıagnostıkalyq jabdyq satyp alynady: ýltradybystyq, rentgen, flıýorografııalyq jáne mammograf jáne t.b.
2022 jyldyń sońyna qaraı qalanyń medıtsınalyq mekemeleriniń jabdyqtalýy 90% -dan kem bolmaýy kerek.
Jedel járdem qyzmetiniń jabdyqtalýyna keler bolsaq, búgingi tańda kólik quraldarynyń tozýy 70% quraıdy. 2020 jyly 70 jedel járdem kóligin satyp alý josparlanyp otyr, sondaı-aq qyzmet kórsetý jabdyqtary 88% -ǵa jetkiziledi.
