Almatyda jylyna 4 myń adam qaterli isikke shaldyǵady
ALMATY. QazAqparat- Megapolıste jylyna 4 myń adam qaterli isikke shaldyǵady. Bul týraly Almaty qalasy onkologııa ortalyǵynyń dırektory Nursultan Іzbaǵambetov Óńirlik kommýnıkatsııalar qyzmeti alańynda ótken onlaın brıfıngte aıtty, dep habarlaıdy QazAqparat tilshisi.
Dáriger bıyl qaterli isikti erte kezeńinde anyqtaý kórsetkishi artqanyn aıtty.
«Bıyl jyldyń 9 aıynda ortalyqta 13 256 naýqas emdeldi. Byltyrǵy kórsetkishpen salystyrǵanda naýqastar sany 15 paıyzǵa kóbeıdi. Bir qýantarlyǵy qaterli istikten bolatyn ólim-jitim 10 paıyzǵa qysqardy. Bul birinshiden, em alyp jatqan naýqastar sanynyń kóbeıýine baılanysty. Ekinshi jaǵynan isikti erte kezeńinde anyqtap, emdi erterek bastaýynan», - dedi ol.
Sonymen qatar, ol qaterli isikke shalydyqqandar arasynda ómir súrý uzarǵanyn aıtty. «Máselen, aýyrǵan sátinen beri 5 jyl ýaqyttan beri em alyp kele jatqan naýqastar sany 54%-dan asty. Statıstıka boıynsha Almatyda jylyna 4 myń adam qaterli isikpen aýyrady. Biraq emin alyp, jumysyn jalǵastyryp jatqandardyń sany qazir 27 myńǵa jetti», - deıdi ortalyq dırektory.
Nursultan Іzbaǵambetov myna belgiler paıda bolsa, dereý onkologqa júginý kerektigin eskertti. Olar: anemııa, kókjótel jáne qan aralasqan qaqyryq, sút bezderiniń, lımfa túıinderiniń ulǵaıýy, sharshaý ári salmaq joǵaltý, denedegi qaldyń ózgerýi jáne basqalary,
