Almatyda jylý jelisi synaqtan ótkiziletin jerlerge kólik qoımaý keregi eskertildi
ALMATY. QazAqparat - Almatylyqtarǵa jylý jelileri synaqtan ótkiziletin jerlerge kólik qoımaýǵa keńes berildi, dep habarlaıdy QazAqparat tilshisi.
«Almaty jylý júıesi» kompanııasynyń málimetinshe, Almaty qalasynyń 8 aýdanynda 13:22 maýsym aralyǵynda tańǵy saǵat 4-ten 7-ge deıin jylý jelileri gıdravlıkalyq synaqtan ótkiziledi.
«Qaýipsizdik sharalaryna qaramastan jerdiń betine sý nemese býdyń shyǵýy, jol jabynynyń buzylýy sııaqty shtattan tys jaǵdaılar bolýy múmkin. Mundaı jaǵdaılarda óz betinshe eshqandaı áreket jasamaı, oqıǵa ornynan dereý ketip, +7 727 378 06 65 telefonyna nemese 109-ǵa habarlasý qajet»,-dep habarlady «Almaty jylý júıesi» JShS.
Jylý jelilerin synaqtan ótkizý kestesi (kósheler boıynsha) myna jerden tanysýǵa bolady.
Atalǵan aýmaqtarda turatyn barlyq tutynýshylarǵa ystyq sý berý toqtatylmaıdy.
Gıdravlıkalyq synaq qalalyq jylý keshenin aldaǵy jylytý maýsymyna daıyndaý aıasynda jylý jelileriniń jaǵdaıyn baǵalaý jáne qubyrlardyń problemalyq ýchaskelerin anyqtaý úshin júrgiziledi.
