Almatyda jylý jelileriniń 65 paıyzynyń paıdalaný merzimi 25 jyldan asyp otyr
ALMATY. 18 sáýir. QazAqparat - Bıyl Almatyda magıstraldy jelilerdi qaıta qurýdyń 2013-2015 jyldarǵa arnalǵan tehnıkalyq ekonomıkalyq negizdemesi jasalady.
Bul týraly qala ákiminiń orynbasary Erbol Shormanov búgin 2011-2012 jyldardaǵy jylý maýsymynyń qorytyndysyna arnalǵan jınalysta aıtty.
«2011-2012 jylý maýsymynda jylý jelilerindegi 370 aqaý anyqtalyp, túzeldi. Onyń basty sebebi - qubyrlardyń tozýy. Paıdalaný merzimi 25 jyldan asqan jelilerdiń uzyndyǵy 696,83 shaqyrym. Bul jalpy jylý jelileriniń 65 paıyzyn quraıdy», - dedi E.Shormanov. Erbol Álimqululynyń aıtýynsha, qoldanystaǵy jylý jelileriniń 20 paıyzynyń qoldaný merzimine 20-25 jyl, 10 paıyzyna 15-20 jyl, 5 paıyzyna 5 jyl, 3 paıyzyna 5-10 jyl, 2 paıyzyna 10-15 jyl bolǵan. Eger bıyl 19,4 shaqyrym jylý jelisi jańartylǵaly otyrǵanyn eskersek, bul saladaǵy qordalanǵan máseleniń qanshalyqty aýqymdy ekenin aıqyn ańǵarýǵa bolady.
