Almatyda jylý jelilerin qalpyna keltirý jumystary júrgiziledi
ALMATY. QazAqparat - Bıyl Almatyda 8,3 shaqyrym jylý jelileri qalpyna keltiriledi. Bul týraly «Almaty jylý júıesi» JShS baspasóz qyzmeti málim etti, dep habarlaıdy QazAqparat tilshisi.
Qurylys jumystary qaladaǵy jylý jelileri synaqtan ótkennen keıin bastalady jáne qyrkúıek aıynda aıaqtalady. Eskirgen qubyrlar jańa jáne qyzmet kórsetý merzimi 40 jylǵa arnalǵan qubyrlarmen almastyrylady.
2021 jyly ınvestıtsııalyq baǵdarlama boıynsha jáne jergilikti bıýdjet sheńberinde magıstraldy qubyrlardy qaıta qurýǵa shamamen 5,3 mlrd teńge bólindi.
Almatydaǵy ınjenerlik jelilerdi jańartýdyń bas josparyna sáıkes jylý magıstraldaryn qalpyna keltirý jumystary myna aýdandarda júrgiziledi:
Alataý aýdany:
- Bartoǵaı (Petrov kóshesiniń qıylysynan Emtsov kóshesine deıin);
- Belomorskaıa (Petrovskıı kóshesinen Fadeeva kóshesine deıin);
- Dýbosekovskaıa (T.Rysqulov dańǵylynan «Massaget» NS deıin);
- Raıymbek (Úlken Almaty ózeniniń boıymen Bartoǵaı kóshesine deıin);
- Óskemen (Belomorskaıa kóshesinen Petrovskıı kóshesine deıin).
Almaly aýdany:
- Dosmuhamedov (Jambyl kóshesinen Shevchenko kóshesine deıin);
- Rozybaqıev (Dúısenov kóshesinen Raıymbek dańǵylyna deıin);
- Túrkebaev (Dúısenov kóshesinen Qarasaı batyr kóshesine deıin);
- Shagabýtdınov (Qabanbaı batyr kóshesinen Qarasaı batyr kóshesine deıin jáne Qabanbaı batyr kóshesinen Jambyl kóshesine deıin).
Bostandyq aýdany:
- Naýaı (№o 312 jáne 310-A turǵyn úılerdiń aýlalary)
- Rozybaqıev (Berezovskıı kóshesinen Qojanov kóshesine deıin jáne Baıqadamov kóshesinen Berezovskıı kóshesine deıin);
- Eksperımentalnoı (Nur-Múbarak ýnıversıtetinen Qojanov kóshesine deıin).
Medeý aýdany:
- Karmysov (Bógenbaı batyr kóshesinen Shevtsova kóshesine deıin);
- Sh.Ýalıhanov (Álimjanov kóshesinen M.Mametova kóshesine deıin).
Jóndeý jumystary kezinde turǵyndardy ystyq sýmen jabdyqtaý ýaqytsha shemalar arqyly saqtalady.
