Almatyda jylý jelileri synaqtan ótkiziledi

ALMATY. QazAqparat- Almatyda 2016 jyldyń 18-22 sáýiri aralyǵynda «Almaty jylý jelisi» JShS temperatýrany kóterý arqyly jylý jelilerin synaqtan ótkizedi.

18 sáýir kúni tańǵy saǵat 09:00-den 22 sáýir kúngi keshki saǵat 17:00-ge deıin:

Ál-Farabı dańǵyly-Asqarov-Mıras-Saıyn-Toraıǵyrov-Rysqulbekov-Navoı-Kablýkov-Rozybakıev-Gagarın-Ótepov-Jarokov-Ovcharov-Eksperementalnaıa-Baza-Botanıkalyq saıabaq-Qojanov-Tımırıazev-Shashkın-Jeltoqsan-Gandı-Fýrmanov-Dostyq dańǵyly (ІІM shıpajaıyna deıin)-Taımanov kósheleri aýmaǵynda jatqan jylý jelileri synaqtan ótkiziledi.

Al 18 sáýir kúngi tańǵy saǵat 08:00-den bastap, 21 sáýir kúngi keshki saǵat 17:00-ge deıin:

Rysqulbekov-Rysqulov-Gaıdar, Áýezov (Qalqaman yqshamaýdany), Raıymbek dańǵylynyń ońtústik jaǵy- Momyshuly-Aqyn sara-Aqsaı kósheleri, «Alǵabas-1,6» yqshamaýdandary, «Aqbulaq» yqshamaýdany (batys, ońtústik, soltústik jaǵy), Úlken Almaty ózeni aýmaǵy, Gaıdar, Mırzoıan, Sátbaev, Qarasaı batyr kósheleri men Abaı dańǵyly boıynda jatqan jylý jelileri synalady.

«Almaty jylý jelisi» JShS baspasóz qyzmetiniń habarlaýynsha, synaq barysynda ystyq sýmen jabdyqtaý ýaqytsha toqtatylady.

Al shtattan tys jaǵdaı oryn alǵan jaǵdaıda «Almaty jylý jelisi» JShS apattyq-dıspetcherlik qyzmetiniń myna telefon nómirine habarlasýǵa bolady: 378-06-65.