Almatyda jylý trassasy jaryldy
ALMATY. QazAqparat - Almaty qalasynyń Áýezov aýdanynda jylý trassasy jarylyp, birqatar turǵyn úı jylý men ystyq sýdan ajyratyldy, dep habarlaıdy QazAqparat tilshisi.
Ystyq sýdyń kóshe boıyna jaıylyp ketkeni týraly vıdeo áleýmettik jelide tarady.
«Almaty jylý júıesi» JShS-nyń resmı ókili ıAn Gırın apatty jaǵdaı saǵat 20.00 shamasynda Saın-Ulyqbek kósheleriniń qıylysynda oryn alǵanyn málimdedi.
Onyń aıtýynsha, qazir ol jerde «Almaty jylý júıesi» JShS-nyń brıgadalary jumystar júrgizýde. Birneshe saǵat ishinde jarylǵan qubyrlar qalpyna keltiriledi.
«Dıametri 700 mm qubyr jaryldy. Aldyn ala aqparat boıynsha apattyń sebebi - qubyrdyń tozýy bolǵan. Ony 1989 jyly paıdalanýǵa bergen. Mundaı qubyr 25 jylǵa eseptelgen, alaıda olar 33 jyljan asa paıdalanylyp keledi. Jylý aralyq kezeńdegi jylý jelilerin gıdravlıkalyq synaý kezinde bul qubyr barlyq baqylaý synaqtarynan sátti ótti jáne qoldanysqa engizildi. Biraq, ókinishke oraı, sátsizdik boldy», - dedi ıAn Gırın.
Ol aýdandaǵy birqatar úıler jylýsyz qalǵanyn aıtty. Ystyq sýdyń berilýi shekteldi. ıAn Gırın mundaı ýaqytsha qolaısyzdyq páter ishindegi temperatýra rejımine áser etpeıtinin aıtty.
Apatty jaǵdaıdan zardap shekkender men qaza tapqandar bolǵan joq.
