Almatyda jylý qubyry jarylǵannan keıin 100-ge jýyq nysan jylýsyz qaldy

ALMATY. QazAqparat- Almatyda Gogol men Sháripov kósheleriniń qıylysynda jylý magıstrali jarylyp, birqatar turǵyn úı men áleýmettik nysandar jylýsyz qaldy, dep habarlaıdy QazAqparat tilshisi.

Almaty ákimdiginiń málimetinshe, jylý magıstrali shamamen saǵat 17:00-da jaryldy. Apatqa qubyrdyń tozýy sebep bolǵan.

«Jylý trassasy 30 jyldan astam ýaqyt buryn – 1986 jyly paıdalanýǵa berildi. Sońǵy jyldary bul aýmaqta qubyrdyń tozýyna baılanysty 17 apat bolǵan, búgingisi - 18-shi oqıǵa. Zaqymdalǵan qubyrdy jáne zaqymdalǵan jerdi anyqtaý jumysy júrip jatyr. «Almaty jylý júıesi» JShS mamandary qubyrdy jóndep jatyr. Barlyǵy 3 tehnıka men 18 adam jumyldyryldy»,- dep habarlady ákimdikten.

Dıametri 400 mm bolatyn zaqymdanǵan qubyrdy jóndeý úshin aýdandy ystyq sýmen jabdyqtaý ýaqytsha óshirildi.

Qazirgi ýaqytta 67 kóppáterli jáne 2 jeke úı, 6 bilim nysany jáne 20-dan astam basqa nysandar ýaqytsha jylýsyz qaldy.

Buǵan deıin Almaly aýdanynda Gogol kóshesinen tómen Sháripov kóshesiniń boıynda qubyr jarylǵanyn jazǵan bolatynbyz.